Mere Hussain Teri Maa Kaha Kaha Roye

Bala Ke Dasht Ke Manzar Hai, Sab Nigaho Me,

Howe Hai Aal E Nabi Par, Joh Zulm Raaho Me,

Sada E Fatima Zehra, Thi Yeh Fizao Me,

Mere Hussain Teri Maa, Kaha Kaha Roye

Mere Hussain Teri Maa, Kaha Kaha Roye (×2)

Bacha Na Koi Bhi, Zainab Ka Monis O Yawar

Shaheed Ho Gaye, Abbas O Qasim O Akbar,

Na Paas Aun O Mohammad, Hai Na Ali Akbar,

Mere Hussain Teri Maa, Kaha Kaha Roye (×2)

Meri Nigaah Ne, Aisa Bhi Saaneha Dekha

Layeen Lasha E Asghar Ko Dhoondne Nikla

Lahad Ko Chod Ke Bache Ke Sar Ko Kaat Liya,

Mere Hussain Teri Maa, Kaha Kaha Roye (×2)

Sina Joh Seena E Akbar Se Tune Khencha Hai

Sina Ke Saath Me, Lipta Howa Kaleja Hai,

Uthegi Kaise Jawaan Laash, Tu Akela Hai,

Mere Hussain Teri Maa, Kaha Kaha Roye (×2)

Zaeef Baap Se, Tanha Na Uth Saka Laasha

Mere Ghareeb Tu, Bacho Ko De Raha Tha Sada,

Tadap Gayi Teri Ghurbat, Pe Teri Maa Zehra,

Mere Hussain Teri Maa, Kaha Kaha Roye (×2)

Tadap Raha Hai Mera Laal, Jalti Reti Par

Zameen E Garm Ke Chubhte Hai Zaqm Me Kankar,

Bada Hai Shimr E Layeen Hath Me Liye Khanjar,

Mere Hussain Teri Maa, Kaha Kaha Roye (×2)

Guloo E Khusk Se, Aati Thi Yeh Sadaa Amma

Tumhare Laal Ne, Vaada Wafa Kiya Amma,

Nabi Ki Aal Ka Hafiz, Hai Ab Khuda Amma,

Mere Hussain Teri Maa, Kaha Kaha Roye (×2)

Uthao Godh Se, Sar Khaak Pe Rakho Amma

Churi Chalegi Nigahon, Ko Pherlo Amma,

Gala Gale Pe Na Rakhiyo, Hataayio Amma,

Mere Hussain Teri Maa, Kaha Kaha Roye (×2)

Sakina Bibi Ka Masoom Phool Sa Chehra

Tamache Maarke, Rukhsar Kar Diye Neela,

Rawaan Hai Kaano Se Khoon Aur, Bandha Hua Hai Galaa,

Mere Hussain Teri Maa, Kaha Kaha Roye (×2)

Anjuman Al Abbas