Ya Hussain Ya Hussain Ya Hussain

Noha

Ya Hussain Ya Hussain Ya Hussain

Seh Ke Har Ranj O Bala Tune Shikwa Na Kiya

Tujh Sa Sabir Na Huwa

Ya Hussain Ya Hussain Ya Hussain

Ran Mein Jab Mare Gaye Zainab E Muztar Ke Pisar

Dekh Kar Lashon Ko Yeh Kehti Thi Binte Hyder

Karti Hoon Shukr-E-Khuda Aur Yeh Hai Meri Dua

Bhai Bach Jaye Mera

Ya Hussain Ya Hussain Ya Hussain

Qatl Abbas Huwe Toot Gayi Teri Kamar

Aur Tanhayi Ka Shidat Se Huwa Dil Pa Asar

Aayi Ran Se Jo Sada Tune Alaan Kaha

Aye Imam-E-Do Sara

Ya Hussain Ya Hussain Ya Hussain

Ran Se Awaaz Jab Ayi Hai Ali Akber Ki

Youn Laga Jaise Tere Dil Pa Lagi Hai Barchi

Noor Ankhon Ka Gaya Soojta Kuch Bhi Na Tha

Kaise Laasha Utha

Ya Hussain Ya Hussain Ya Hussain

Teer Asghar Ke Gale Se Jo Nikala Tune

Haye Kis Dil Se Bhala Dil Ko Sambhala Tune

Khoon Chullu Mein Liya Aur Chehre Pa Mala

Surkhuru Deen Huwa

Ya Hussain Ya Hussain Ya Hussain

Tune Ashoor Ko Bachoun Ka Kiya Hai Matam

Kaun Batlayega Jo Tha Tere Dil Ka Aalam

Aye Shahinshah Huda Dekh Kar Haal Tera

Roti Hain Karbobala

Ya Hussain Ya Hussain Ya Hussain

Qatl Par Tere Basas Naala-O-Afghan Ayi

Khoon Mein Doobi Huwi Shaam-E-Ghareeban Ayi

Maal-O-Asbab Luta Tera Ghar Jalta Raha

Roti Hai Aal-E-Aba

Ya Hussain Ya Hussain Ya Hussain

Baad Tere Yahi Zainab Ne Manazir Dekhe

Baazu Rasi Mein Bandhe Pusht Pa Dure Bhi Lage

Har Sitam Dhaya Gaya Taaziyane Bhi Laga

Chin Gayi Sar Se Rida

Ya Hussain Ya Hussain Ya Hussain

Haye Maqtal Se Teri Laash Uthayi Na Gayi

Dil-E-Sajjad Se Yeh Baat Bhulayi Na Gayi

Sadma Dil Par Wo Huwa Yaad Kar Kar Ke Sada

Tujh Ko Rota Hi Raha

Ya Hussain Ya Hussain Ya Hussain

Tere Lab Haye Mubarak Pa Thi Zalim Ki Chadi

Haye Kis Dil Se Bahan Ne Yeh Aziyat Dekhi

Band Ankoun Ko Kiya Jab Ke Yeh Zulm Huwa

Hil Gayi Arz-O-Sama

Ya Hussain Ya Hussain Ya Hussain

Qalb-E-Zaianb Ne Is Ehsaas Ko Nashtar Jaana

Haye Jab Umme Habiba Ne Nahi Pehchana

Haal Zainab Ka Yeh Tha Gham Se Dil Baith Gaya

Dil Se Nikli Yeh Sada

Ya Hussain Ya Hussain Ya Hussain

Dil Mein Armaa Tha Sakina Ke Jo Ghar Jaane Ke

Jab Bhi Zindan Ke Darwaze Se Taayer Guzra

Puchti Thi Yeh Sada Aye Phuphi Bolo Zara

Honge Kis Waqt Reha

Ya Hussain Ya Hussain Ya Hussain (2x)